Pakistan court-in PM Khan thiam a chantir

Pakistan anti-terrorism court chuan prime minister Imran Khan chu kum 2014-a Parliament beih a nih chungchanga thubuai siamsakah nimin khan thiam a chantir. 

Kum 2014, August 31 khan PM Khan party, Pakistan Tehreek-e-Insaf (PTI) leh Pakistan Awami Tehreek (PAT) member-te chu Parliament leh Prime Minister House awmna panin kawng an zawh a, police-te nen innawr  buaiin mi pathum an thi a, mi dang 23 in hliam an tuar a ni. He thil thleng avang hian police-te chuan Imran Khan leh PTI hruaitu dangte chu Anti-terrorism Act  hnuaiah thubuai an siamsak a ni. 

Anti-terrorism court judge Raja Jawad Abbas Hassan chuan Imran  Khan thiam chantir a nih thu a sawi rualin, PTI  hruaitu dangte erawh thu zawhfiah tura koh an nih thu a sawi. President Arif Alvi erawh chu president a nihnain a hum avangin a chungthu ngaihtuah pawh tawpsan rih a ni tih a sawi bawk.