Keith Raniere kum 120 chhung jail tang dawn

NXIVM cult leader  Keith Raniere chu sex trafficking, vauna leh inbumna bakah forced labour conspiracy chungchangah U.S. Attorney’s Office for the Eastern District of New York chuan thiam loh chantirin, kum 120 chhung jail tang turin a hrem.

Kum 60 mi Raniere hian American multi-level marketing company NXIVM hi a din a, an headquarters hi Clifton Park, New York-ah a awm. He company hmang hian sex trafficking lamah thil dik lo a ti ṭhin nia hriat a ni a, hei vang hian court-ah he company hi hek niin Raniere hi an chhui zui a ni. 

Chhui zui a nih hnuah Raniere hi hmeichhe tihbawrhban kawnga inhmanga puhin thubuai pasarih siam sak a ni a, nikum June 19 khan Raniere hi thiam loh chantir a ni tawh a ni. Kumin September 30 khan he company a hruaitu Clare Bronfman chu thiam loh chantirin, kum ruk leh thla kaw chhung federal jail-a tang turin court chuan a chungthu a relsak tawh bawk.