China-in firfiaka chetna video entu khualzin thawn haw

China sorkar chuan an ram tlawhtu khualzin 20-te chu firfiaka chetna thlawpna lam video an en avangin an ramah a thawn haw leh nghal tih a sawi. An thawn hawte hi Britain, South Africa leh India ram aṭanga kal an ni.

Khualzinte chuan China thuneitute hian an hriatsual niin an sawi a, an zinga pahnihte chuan kum zabi 13 hunlaia Mongol hruaitu, Genghis Khan-a documentary an en niin an sawi. Mahse China chuan khualzinte hian hotel roomah documentary an en hnuah Inner Mongolia ramri biala firfiaka chetna thlawpna lam video clip an en leh niin a sawi thung.

China-in khualzin a thawn kirte hi Muslim, Kristian leh Hindu mite an ni a, a hma pawhin Israel leh US-ahte an lo zin kual tawh bawk.