NKorea-ah local election nei
North Korea ramah nimin khan kum 2011-a Kim Jong-un-a'n thuneihna a chan hnua a ṭum khatna atan local election neih a ni.
Local election hi kum li danah neih ṭhin a ni a, mipuite chuan provincial, city leh county assembly member turte an thlang a ni.
Sorkar chuan inthlan hi democracy kalphung dik tak anga neih niin vote pawh a tla ṭha thei hle tiin an sawi. Mahse inthlan an neih dan zirchiangtu, South Korean reporter Dae Young Kim chuan hei hi NKorea sorkarin khawvel laka a hming tihṭhat a tumna mai a ni a, mipuite chu vote thlak lo ngam loin an siam a ni, a ti. Hei vang hian vote 98% a tlak beisei a nih pawh chu thil mak a ni lo tiin a sawi.
US army general hlui leh NKorea chanchin zir chiangtu, Roger Cavazos pawhin, "Vote thlak duh lo emaw, sorkarin a pawm candidate ni lo midang vote emaw chu ram hotu lu berin inkaihhruaina a siam bawhchhiatna leh cho letna anga ngaih a ni ṭhin," a ti.