SAfrica-ah Mandela Day an hmang

South Africa mipuite chuan kar kalta Inrinni khan an ram pumah Nelson Mandela Day an hmang.

South Africa ram hruaitu hlui, chi inthliarna tihbo tuma beitu, Nelson Mandel chawimawina atan khawvel pumah a piancham. July18 hi Nelson Mandela Day-a hman a ni. Kum 2009 khan UN General Assembly chuan Mandela Day hi a pawm a ni.

Inrinni khan South Africa leh khawvel ram hrang hrang chuan Mandela Day pualin midangte ṭanpui leh an chhehvel tihfaina atan minute 67 chhung hun an hmang a ni. Minute 67 hi Mandela-a'n intluk tlanna leh rorelna dik a awm theihna atana kum 67 zet a lo beih tawh entirna a ni. Nelson Mandela hi kum 2013, December 5 khan a chuap ṭha lo avangin a thi.

Kumina Mandela Day hmanah hian thupuiah food security, education and literacy, shelter and infrastructure, service and volunteering hman a ni.

Mandela nupui a thihsan tak, Graca Machel chuan Johanessburg-a convention center-ah Stop Hunger campaign peng pakhatah atan ei tur parcel siamtu volunteer-te a pui. Machel chuan South Africa mipuite'n thil ṭha tihna atana an hun neih aṭanga minute 67 an pe chu lawmawm a tih thu a sawi.