Queen 'Nazi salute' thlalak tichhuak

English tabloid newspaper, The Sun chuan kar kalta Inrinni khan Queen Elizabeth-II naupang laia Nazi salute a ti lai thlalak a tichhuak a, hei hian sawizui a hlawh hle. Buckingham Palace chuan newspaper thlalak tihchhuah chu a lawm lo hle tih a sawi.

Thlalak hi Queen Elizabeth-i kum 7 a nih lai, kum 1933-a lak a ni a, hemi kum hi Adolf Hit­ler-a'n thuneihna a chan kum a ni.

Hmeichhe naupang Eliza­beth, a laizawn leh a nu bakah a pa unau, Edward-te chu thla­lakah hian an lang a, Eliza­beth-i nu pawh hian salute hi pe in hlim taka an nui lai a lang a ni.

Buckingham Palace chuan, "Kum sawmriat kaltaa thla­lak, hei pawh mimal thil ami lakchhuah a, hetianga tihchhuah a ni hi thil pawi tak a ni," a ti.

Sipai chanchin zirtu, James Holland chuan thla lak lai hian lal chhungkuate hian fiamthu an thawh nia a lan thu a sawi a, "Kum 1930 leh 1940 chhoah khan Britain-ah fiamthu thawhna atana Nazi salute ti ngai lo naupang hi an awm ka ring lo," a ti.