Gaza-ah car bomb a puak

Gaza City hmarlama car bomb puakah mi pahnihin hliam an tuar.

Nimin zing khan Sheikh Radwan vengah car bomb hi ṭum ruk vel a puak a, heng car-te hi Islamic Jihad, Hamas leh an armed wing Qassam Brigade official-te motor a ni.

Palestinian thunei­tute chuan car bomb puahna hmunte hi uluk taka enfiah mek a nih thu sawiin, pawikhawihtute hi hriat chian an la ni lo tih an sawi a, eng pawl mahin an tih niin an la chhal lo.

Thuneitute chuan bomb tipuaktute hi IS firfiakte an nih an rin thu an sawi. IS hian tun thla tir lam khan Hamas vauna video hi an lo tichhuak tawh a, Gaza Strip-a Hamas-te thuneihna chu an tihtawp sak dawn tih an sawi.