Nigeria rama bomb puakah mi 25 an thi

Nigeria hmarchhak lama Gombe state-ah Ningani khan bazar hmunpuiah ṭum hnih bomb a puak a, mi 25 an thi a, mi dang 30 chuangin hliam an tuar.

Nigerian National Emergency Management Agency (NEMA) chuan field officer-te'n bomb tihpuahna hmunah ruang 25 an hmuh thu a sawi a, hliam tuarte hi a bul hnai damdawi-inah hruai nghal an ni, a ti. Hliam tuar ṭhenkhat chu an dinhmun a ṭhat loh avangin thi zat pawh hi an la punchhoh rin a ni.

Bomb hi zan dar 6 velah tihpuah a ni a, a puah lai hi bazar-a mipui an lunlai lai tak a ni. Pawikhawihtute hi hriat an la ni lo a, mahse tualchhung mite chuan Boko Haram helpawl tih niin an ngai.

Boko Haram-te hian kum 2009 aṭanga Nigeria sorkar laka helin, pawikhawihna hrang hrang an thlen tawh a, mi 13,000 chuang an tihlum tawh a ni.