Japan-ah thlipui tleh vangin mi tam tak tlanchhia

Japan chhim lam bialah thlipui,Typhoon Nangka a tleh a, mi 35,000 chuang hmun him lamah an tlanchhia.

Ningani zan khan darkar khata kilometre 185-a nain Shikoku thliarkarah thlipui hi a tleh a, hei vang hian thuneitute chuan a tlehna turbiala chengte chu insaseng turin an lo hrilh lawk a ni.

Kyodo news agency chuan thlipui tleh chhiatna thlenah mi pahnih an thi a, mi dang 31 in hliam an tuar niin a sawi.

Thlipui tleh vang hian flight 200 dawn cancel a ni a, rel service pawh hmum tam takah tihkhawtlai a ni bawk. Thlipui hian nimin khan Japan tuipui lam a pan a, Pathianni khan hmarlama Honshu a thlen rin a ni.