Peru khawpui buaina chhuak vangin emergency puan a ni

Peru president Dina Boluarte chuan, Thawhṭanni khan an ram khawpui Lima-ah emergency a puang. Peru zaithiam lar Paul Flores Pathiannia thah a nih vangin khawpui hmun hrang hrangah tharum thawhna a chhuak a, buaina chhuak hi punlun zelin emergency puan a ni ta a ni.

Sorkar chuan emergency puan a nih chungchang sawiin, ni 30 chhung a awh tur thu leh dan hrang hrangte khuahkhirna siam a nih bakah pun khawm leh duh duhna hmuna kalte khap a ni bawk. He dan thar puan hnuah hian police leh sipaite chuan dan lam thupek dawng lo pawhin dan bawhchhia nia hriatte chu an man hmak hmak thei dawn a ni.

Tun hnai thla hnih thum chhung khan Peru ah tharum thawhna nasa tak chhuakin, vantlang punkhawmna hmunah inbeihna hrang hrang a chhuak niin an sawi bawk. Police lam tarlan danin January 1 aṭanga March 16 chhung khan mi 459 thah an nih tawh bakah January thla chhung khan inrawkna vawi 1,909 a thleng tawh niin an sawi. Mahse, buaina hi chu zaithiam pakhat thih hnuah chauh khan a punlun niin police lam chuan an tarlang.