Taxi booking app Uber dollar mtd 7.3 chawitir

United States, San Francisco hmuna inkhuar, taxi booking app Uber chuan a enfiahtute hnenah a service leh hnathawh dan chanchin kimchang a pekchhuah theih loh avangin dollar maktaduai 7.3 chawi tura hriattir a ni.

California state-a company hnathawh phalsak tu, Public Utilities Commission judge chuan Uber hian report thehlut tura an duh ang kimchang a pe duh lo a, accident thleng chungchangte a tarlang duh lo a ni, a ti. Uber hian ramdangah pawh a hnathawh danah thubuai a lo nei tawh ṭhin.

Uber service hi US ram chhunga Portland leh Oregon khawpuiah te pawh thuneitute nen inhriatthiam lohna an neih avangin tihtawp lailawk a ni a, Germany leh Italy ramahte chuan taxi driver licence nei lote an chhawr ṭhin avangin an khapsak tawh bawk.

Uber apps hmang hian passenger-te chuan an awmna bial chhunga driver-te chu an ko thei a, an taxi hman man hi taxi dang aiin a tlawm zawk thin.