London Substation-ah kangmei a chhuak

London khawpui khawthlang lama electrical substation-ah Ningani khan kangmei nasa tak a chhuak a, power supply a khaihlak phah bakah Ningani zanlai thleng khan Heathrow Airport chu khar a ni bawk.

Kangmei chhuak vang hian mi 150 vel chu sawn chhuah an ni bawk. Substation awmna Hillington borough-a chengte chu mei khu a nasat avangin an kawngkhar leh tukverhte hawng lo turin an hriattir.

London Fire Brigade chuan kangmei chhuak ṭhelh tur hian fire engine 10 bakah kangṭhelhtu 70 vel tirh an nih thu a sawi. Electrical substation hi Heathrow Airport power supply tu a ni a, hei vang hian airport pawhin power lamah harsatna tawkin hun eng emaw chen khar a ngaih phah a ni. Heathrow airport hi khawvela airport lun ber zinga mi niin, global travel data provider OAG ranking siamah kum 2024 khan khawvela airport lun lamah No 4 a ni.