Hamas-in Gaza inkahhai puan rawtna a pawm ; Israel-in rawtna hran a nei ve thung

Hamas chuan Egypt leh Qatar palaiten Gaza Strip-a inkahhai puan thar lehna tur rawtna an siam chu an pawm tih an sawi. Mahse, Israel chuan palai hna thawktu dang, US nen rawtna hran an siam niin a sawi thung.

Israel leh Hamas hian Gaza Strip-a inkahhai thawh khatna an kalpui hnuah, a thawh hnihna chhunzawm turin inremna an siam thei lo a ni. Hei vang hian Israel pawhin Gaza-a Hamas hmunte chu a bei chhunzawm leh tawh bawk

Egypt leh Qatar chuan inkahhai puan chhunzawm a nih theihna atan hma an la a, rawtna an siam thar berah hian Hamas chu an mi hren mek, nungdama la awm zinga mi panga te chhuahin, Isral chuan Gaza-a beihpui a thlakna chu chawlin chhawmdawlnate thawn luh a phalsak tur a ni, tih a ni. Hei bakah hian Israel jail-a tang mek, Palestinian mi eng emaw zat chhuah tura tih a ni bawk a ni.

Israel chuan inkahhai puanna tura rawtna hran a siam thu hi sawi mah se, eng ang rawtna nge a siam erawh a sawilang rih lo.