Tonga Island-ah magnitude 7.1 a nain lir a nghing

Myanmar rama lirnghing na tak a thlen hnuah, Pathianni zan khan Tonga Island-ah magnitude 7.1-a nain lir a nghing ve leh. Lirnghing vang hian Tsunami warning pawh tih chhuah nghal a ni a, mahse a hnuah sut leh a ni.

Tonga hi South Pacific-a Polynesia kingdom, thliarkar 171 in a siam a ni a, a mi cheng hi nuai khat chuang hret an ni. A tam zawk chu thliarkar pui ber, Tongatapu ah an cheng a, Australia khawchhak lam, km 3,500 vela hlaa awm a ni.

Lirnghing hian thil tih chhiat lian tham a nei lo a, mahse tuifawn na taka a thlen hlauhthawnna avangin tuipui kama chengte chu hmun sang lamah an insaseng a ni. Thuneitute chuan tuipui kam leh a hnaih lamah awm rih lo turin mipuite an chah.