France Court-in Marine Le Pan in inthlan a chuh khap

France court chuan far-right leade Marine Le Pen chu European Union fund ti chingpena puhnaa thiam loh a chan tir hnuin, an rama inthlan neih tura a chuh a khap.

Court thutlukna siam avang hian Le Pen chuan kum 2027-a France President thlanna neih turah a chuh thei dawn ta lo a ni. Mahse court thutlukna hi a appeal rin a ni.

Far-right Natioal Rally (RN) hotu, Le Pen hi 2027 inthlan neih tura mipui ngaihdan laknaah, an ram hruaitu atana an duh zingah a tel. Kum 56 mi, Le pen hi ṭum tum President inthlanah hian a chuh tawh a kum 2027 inthlan hi a chuh tawpna ber tur a nih thu a lo sawi tawh a ni. Mahse politics khel thei lo tura hremna hi kum nga thleng pek a nih chuan inthlanah hian a chuh thei dawn ta lo a ni.

Court chuan Le Pen bakah mi dang pariat, EU lawmaker hluite chu EU fund tih chingpenaah hian thiam loh a chan tir a ni. An sum tih chingpen hi an mimal tan ni loin, an party tana hmanga puh an ni. Le Pen hian RN member-te hnenah EU fund aṭangin USD mtd 3.3 vel a pechhuak niin an sawi. Le Pen chu USD 108,000 leh RN partychu USD mtd 2.16 chawi turin a ti.

Mahse Le Pen leh thiam loh chantir dangte chuan fund hi dan ang thlapa hman an ni tih sawiin, an puhna chu thu dik lo leh politics lama inbeihna zawk niin an sawi thung.