Nobel Peace Prize dawng turin Imran Khan rawt

Pakistan prime minister hlui, jail-a tang mek Imran Khan chu khawvel chawimawina ngaihhlut, Nobel Peace Prize dawng turin a ṭum hnihna atan rawt a ni.

Pakistan advocacy group, Pakistan World Alliance (PWA) chuan Noway political party Partiet Sentrum nena inthurualin Imran Khan hi human rights leh democracy chawinung tura a hmalakna avangin an nominate a ni.

Kum 2019 khan Imran Khan hi South Asia-a remna leh muanna a awm theihna tura a hmalakna avangin Nobel Peace Prize dawng tur hian nominate a lo ni tawh bawk.

Kum 72 mi ,Khan hi PM hlui a nih bakah Pakistan-a eptu party lian ber ni mek, Pakistan Tehreek-e-Insaf dintu a ni. Kum 2022 April thla khan Pakistan Prime Minister a nihna aṭanga rintawk lohna vote hmanga paihthlak a nih hnuah thubuai eng emaw zat siamsak a ni a, a thubuai paliah thiam loh chantir ni tawhin, kum 2023 August thla aṭang khan jail-ah a tang a ni. Kumin January thla khan a thuneihna hmang dik lo leh eirua puhna thubuaiah kum 14 tang tura hrem a ni.