NKorea-in khauh zawka kal zel tum
North Korea hotu, Kim Jong Un kaihhruaia Inrinnia Workers' Party of Korea-a Political Bureau of the Central Committee meeting neihah, coronavirus chu khawvel pum mipuite tibuaite a ni tiin, hri laka himna turin khauh zawka hma lak an rel tih state agency, Korean Central News Agency (KCNA) chuan a tarlang. Nimina KCNA report tih chhuah hian an ramah Covid-19 kai an awm leh awm loh a tarlang tel lo. A hmain NKorea official-te hian hri leng lakah an ram chu a fihlim tih an lo sawi fo tawh a, mahse hei hi expert tam tak chuan an ring lo a ni.
Inrinnia meeting-ah khawvela hri leng mek hi an rama a luh ve lohna tura khauh zawka ramri venhimna kalpui an rel a, ram puma anti-epidemic service kalpui pawh nasa zawka chhunzawm a, defence lam pawh thuam chak an rel a ni.
January thlaa China rama hri kai hmuhchhuah a nih tir khan NKorea hian China ramri hi a khar nghal a, an rama ram dang mi awmte pawh inkhung hran tir nghal an ni bawk.