Sri Lanka-ah khawlai ui dap vangin lungawi lo

Sri Lanka sorkar chuan India prime minister Narendra Modi-a'n an ram a tlawh dawn vangin Colombia leh Anuradhapura khawpuia khawlai ui dapin an man khawm. Hei hi animal rights activist-te chuan duh loin Ningani khan lungawi lohna an lantir.

Animal rights activist-te chuan khawpuia khawlai ui awmte hi an awmna chhehvela chengte chuan duat takin ei turte an pe ṭhin tih an sawi. Hetiang ui man khawm dah bo tumna hi an duh loh thu sawiin president Anura Kumara Dissanyake office kawtah an pungkhawm a, India high commission hnenah petition an theh lut bawk. Lungawi lohna lantira an punkhawmnaah hian rawng taka ui dah bo tumna an duh loh thute an tarlang.

Ui dah bo tuma hma lak dan chungchangah India sorkar pawh inrawlh turin activist-te chuan an ngen bawk. India PM Modi hian Colombo khawpui bakah Buddhist sakhaw zuitute tana khawpui pawimawh Anuradhapura hi a tlawh dawn a ni.