UN-in Myanmar chhawmdawlna pe tur ngen sak

Myanmar rama lirnging na tak thleng vanga thi chu Inrinni thleng han mi 3,354 an tling tawh a, lirnghing tuarte ṭanpui leh chhawmdawlna pe turin United Nations chuan ram leh pawl hrang hrangte a ngen.

Magnitude 7.7-a naa lir nghing hian region leh state parukah chhiatna nasa tak a thlen a, an ram khawpu Naypyitaw pawh a tuartu zingah a tel. Tun thlengin mi tam tak chuan power supply an la nei lo a, inbiakpawhna leh kawngte a chhiat nasat avangin chhiatna thlen dan kimchang pawh hi hriatchian theih a ni lo.

Chhiatna thleng vanga hliam tuar hi mi 4,850 awmin chin hriat lohin mi 220 an la awm mek bawk.

UN chuan tualchhung buaina avanga mi tam tak dinhmun chhe taka an din lai mekah lirnghing vanga chhiatna rapthlak tak thleng hian mipuite tawrhna a ti zual hle tih a tarlang. Mi mtd 20 dawn chu ṭanpui ngaiin an awm a ni, a ti.