NKorea-in Pyongyang Marathon buatsaih

North Korea chuan nimin khan kum ruk chhunga a vawi khatna turin Pyongyang International Marathon a buatsaih a, ram dang aṭanga tel eng emaw zat an awm.

State media KCNA news agency chuan nimina marathon buatsaiha tel tur hian Zirtawpni leh Inrinni khan China, Romania leh ram dang aṭangin mi 200 velin Pyongyang hi an thleng tih a sawi.

Pyongyang Marathon atan hian Koryo Tours chu official partner niin, anni hian marathon-a tel tum ram dang mi lutte hi an lo buaipui a ni.

Covid-19 hripui leng vanga North Korea in kum 2020-a ramri a kharte chu 2023 aṭangin khan zawi muangin khuahkhirhna te a hlip chho tawh ni. Russian tourist group te chu an ramah hian luh a phalsak tawh a, mahse khualzin nawlpui tan erawh a khawpui Pyongyang erawh tlawh a la phalsak lo thung.

Nimina Pyongyang Marathon-a telte hi khawpui laili lai aṭanga tlan chhuak ṭanin city centre pawn lama khawpui daiah tlanin heta aṭang hian khawui chhunga stadium-ah an tlan llut leh a ni. Stadium-ah hian mi 50,000 vel an pungkhawm niin Koryo Tours chuan a tarlang.

Pyongyang International Marathon hi NKorea sorkarin an ram dintu leh tuna an ram hotu lu ber ni mek Kim Jong-un a pu, Kim Il Sung piancham,Apri 15-a thleng tur a lawmna pakhat atana a buatsaih ni.