St Peter's Square-ah Pope Francis inlan

Roman Catholic kohhran hruaitu, Pope Francis chu kar nga chhung damdawi-ina enkawl a nih hnuah chhuah a ni, damdawi-in aṭanga a chhuah hnua a vawi khatna atan Pathianni khan Vatican-a St Peter's Square-ah a inlan.

Pope hi wheelchair-ah ṭhu rei vak lo mipui hmuh theih turin inlana, oxygen tube pawh a la vuah a ni. Mipui pungkhawmte chu chibai buki duhsakna a hlan a, lawmthu a hrilh bawk.

Kum 88 mi, Pope hi February 14 khan damdawi-inah dah a ni a, double pneumonia a nei tih hriatchhuah a ni. March 23 khan Rome hospital aṭangin a chhuak a, doctor-te chuan thla hnih tal chawlh hahdam a la mamawh tih an sawi. Vatican chuan Pope hriselna hian hma a sawn zel tih an sawi a, a awmhmun aṭangin a theih ang angin hna pawh a thawk niin a tarang.