Israel PM hlui Peres an vui liam

Israel Prime Minister hlui, Shimon Peres-a chu nimin khan state chawimawina famkim nen vui liam a ni ta. Shimon Peres-a hi kum 93 mi niin Nilaini khan a thi a ni.

Mount Herzl-a Peres-a vuina inkhawmah hian ram hrang hrang 70 aiawhte an tel a, ram leh pawl hruaitu tel zingah hian US President Barack Obama, Britain Prince Charle leh UN Secretary General Ban Ki-moon te pawh an tel. Palestinian President Mahmud Abbas pawh a tel a, kum 2010 hnua Israel ram a tlawh lehna hmasa ber a ni.

Peres-a ruang hi Israel ram hruaitute an phumna, Mount Herzl-ah phum a ni dawn a, kum 1995-a Juda firfiakten an kahhlum, Prime Minister hlui Yitzhak Rabin-a thlan bulah phum a ni ang.

PM hlui vuina inkhawmah hian mipui tel an ṭhahnem hle a, venhimna lam pawh tihkhauh a ni. Kum 1995-a PM hlui Rabin-a vuinaa mipui punkhawm hnua, Israel rama mipui punkhawm tamna ber a ni. Jerusalem khawpui chhungah venhim hna thawk turin police 8,000 duty tir an ni.

Vuina inkhawmah Israel Prime Minister Benjamin Netanyahu bakah Presidnt Reuven Rivlin, US President Barack Obama leh US President hlui Bill Clinton, Israel Parliament Speaker Yuili Edelstein-te chu Peres-a thlahnaa thu sawitu zingah an tel.