Duterte-a'n Hitler nen intehkhin

Philippines President Rodrigo Duterte-a chuan Nazi hotu Adolf Hitler nen intehkhinin, an rama ruihhlo hmangsual leh zuar ṭhin mi maktaduai thum awmte nuaibo vek an nih chuan a hlim hle ang tih a sawi.

President Duterte kaihhruai sorkar hian Philippines rama dan loa damdawi zuar leh damdawi hmang sualte lakah beihpui a thlak mek a, damdawi zuar nia rinhlelh mi 3,000 chuang tihhlum an ni tawh. Sorkar hmalak dan hi ram hrang hrangten an sawisel tawh a, mahse Duterte chuan sawiseltute hi ṭawngkam na leh chhe tak takin a chhang let fo a ni.

Indopui II hunlaia Juda tam tak suattu, Nazi hotu Hitler-a nen a intehkhin hian, Juda pawl hrang hrangte lung a ti awi lo hle a, a bikin US-a Juda-te chuan Duterte lakah na taka hma lak an duh. Duterte hian tunhnaiah US President Barack Obama chu
ṭawng≠kam mawi lo takin a lo ko tawh a, hei bakah hian hun rei tak US leh Philippines sipaiten nunchan zirho an neih ṭhin pawh kumin bak neih a ni tawh dawn lo tih a sawi. A thusawi avang hian Nazi kuta Juda mi thi chhungte lakah ngaihdam dil tura an phut thu an sawi bawk.

Vietnam ram aṭanga a kir hnuin nimin khan Davao City-ah chanchin thar lakhawmtute a kawm a, Duterte chuan Vietnam-ah chuan amah sawiseltu
ṭhenkhatten Hitler-a laina anga an lantir thu a sawi. Hitler chu Juda mi maktaduai tel suattu a nih thu a sawi rualin, "Philippines ramah hian drugs addict maktaduai thum vel an an awm a, kei pawhin heng mite hi lawm takin ka tihhlum thei ang" tiin, "Germany in Hitler a nei a nih chuan, Philippines chuan kei min nei a ni" a ti.