Duterte thusawi danah Juda hruaitute an lungawi lo

Philippines President Rodrigo Duterte-a'n an rama ruihhlo zuar leh hmangsualte laka beihpui a thlak mek chu Indopui II hunlaia Nazi-te'n Juda mite an suatna, Holocaust nen a tehkhin a, hei hian Juda hruaitute lung a ti awi lo hle.

Duterte chuan Nazi hotu, Hitler-a'n Juda mi maktaduai thum a tihhlum ang khan, an ram a ruihhlo zuar leh hmang≠sual mi maktaduai thumte tihhlum chu a hreh dawn lo tih a sawi a, Vietnam rama a zinnaah pawh Hitler-a laina tia an sawi thute pawh a sawilang a ni.

Philippines President thusawi duh dan chu thil tihawm lo tak leh an tana thil huathlala tak a ni thu an sawi.

World Jewish Congress president Ronald S. Lauder chuan Duterte thu≠sawi chu thil awm lo tak a ni tiin, Hitler-a anga intehkhin duh ram hruaitu an awm chu thil mak tak a ni, a ti. US-a hmunpui nei Simon Wisenthal Center hotu, Rabbi Abraham Cooper chuan Philippines president chu a thusawi avang hian Holocauast tuartu chhungte hnenah ngaihdam dil turin a phut.