Yemen helhoin PM tur ruat

Yemen-a helpawl, Shiite Houthi pawl leh an pawl thlawptu party-te chuan Pathianni khan Abdulaziz bin Habtoor chu prime minister atan Pathianni khan an ruat a, national salvation government siam tura hma la turin an hrilh nghal.

Abdulaziz bin Habtoor hi Yemen chhimchhak lam, Shabwa province ami a ni a, ramdangten an pawmpui, President Abd-Rabbu Mansour Hadi kaihhruai sorkar lai khan Aden city governor a ni ṭhin.

Houthi helho hian President hlui, Ali Abdullah Saleh-a thlawptu sipaite puihnain an ram ram khawpui, Sanna leh hmarlam bial zau tak an la a, President Hadi leh a kaihhruai sorkar chu chhim lamah an tlanchhiat a ngaih phah a ni.

UN hmalaknain Houthi leh Yemen sorkar-te hian remna kawng zawngin inbiakna neih mah se, an la hlawhtling thei lo. Saudi Arabia kaihhruai ṭangrual ramte chuan nikum March thla aṭang khan Yemen sorkar puiin, Houthi hel lakah hian beihpui a thlak a, beihpui thlak leh tualchhung indona thleng vang hian Yemen mi 10,000 chuang an thi tawh niin UN report chuan a tarlang.