Turkey President-in minister banna thehluh pawm lo
Turkey president Recep Tayyip Erdogan chuan hri leng vanga kar liam ta kartawpa curfew puan chungchang avanga interior minister, Suleyan Soylu-a'n banna a thehluh chu a pawmsak lo tih a sawi.
Turkey sorkar hian kar liam ta Zirtawpni zan khan chawpchilh takin lockdown hi a puang a, a puan aṭanga darkar hnih hnuah kharkhipna hi hman zui nghal a ni. Hei vang hian khawpui hrang hrangah lockdown hman ṭan hma hian ei tur leh mamawh dangte leiin mipuite an phi buai hle a ni. Mahse he lockdown hi darkar 48 hman a nih hnuah, Pathianni khan hlih leh nghal a ni.
Minister Soylu chuan chawpchilh taka lockdown puan avanga mipui an chiai phah chungchangah mawhphurhna lain, President hnenah banna hi a thehlut a ni. Mahse President chuan a banna hi pawm loin, Soylu hi a hna ngai a chelh chhunzawm zel tur thu a sawi a ni.