June 3-ah South Korea President thlang dawn

South Korea Constitutional Court-in President aṭanga Yoon Suk Yeol a ban tak avangin, President thar thlanna hun atan June 3 ruat a ni ta.

Cabinet chuan nimin khan inthlan neih hun tur hi National Election Commission nen sawi hoin an ruat fel a ni. President ban a nih aṭanga ni 60 chhung ngeia inthlan buatsaih hi a ngai a ni.

President thar thlanna neih turah hian Democratic Party hruaitu, 2022 inthlana Yoon hneh zo ta lo, Lee Jae-Myung chu a langsar deuh ber rih. Mahse election law palzut leh eiruk kaihhnawihah thubuai a nei mek thung.

Gallup in mipui ngaihdan a lak thar ber, April 4-a a buatsaihah South Korea mipui 34% chuan Lee hi an ram hruaitu thar atan an duh. Conservatice labour minister Kim Moon-soo duhtu hi 9% awmin,, rorellai party hruaitu hlui Han Dong-hoon chuan 5% a hmu a,Daegu mayor Hong Joon-pyo chuan 4% leh Seoul mayor Oh Se-hoon chuan 2% a hmu ve bawk.