Khawvel Lawrkhawm

Myanmar-in khualzin tam zawk hip luh tum

Myanmar sorkar chuan an ramah khualzin tam zawk hip luh a tum a, kum 2020 ah chuan ramdang aṭanga an ram tlawhtu mi maktaduai 7 neih a tum.

Vice President U Herny Van Thio chuan tourism sector lamah an ramin hma a sawn zel tih a sawi a, kum 2015-ah khualzin tlawhtu mi maktaduai 4.6 neiin, kumin August thla thleng khan tlawhtu maktaduai 3 an nei tawh a, 2020-ah chuan maktaduai 7 neih theih ngei an tum tih a sawi. Tourism lam tihmasawnna turin Ministry of Hotels and Tourism chuan development project hrang hrang a thawk mek a ni, a ti.

Kum 2,200-a upa inremna thuziak hmuchhuak

Turkey rama hmanlai khawpui, Teos-ah archaeologist-te'n kum 2,200 liamtaa inluah chungchanga inremna thuziak an hmuchhuak.

Inremna thu hi lungpheka ziah a ni a, ram zau zawng, a neitu, a luahtu leh inluahtuin dam a zawm loha hremna pek theih te ziahlan a ni. He inremna thuziak hmuhchhuah aṭang hian hmanlaia khawpuia an kalphung tam tak hriat theih a nih phah niin mithiamte chuan an sawi. Teos khawpui hi kum zabi 16-a Ionia hmuna hmanlai khawpui pawimawh 12 zinga mi a ni a, kum zabi 18-na aṭang khan khawpui chanchin zirchiang tur hian khawvel ram hrang hrang
aṭangin researcher-te'n an tlawh reng a ni.

IS hotu tûrin hrai

Islamic State (IS) firfiak pawl hotu, Abu Bakr al-Baghdadi chu a thil ei turah t˚r pawlh≠sak a ni a, a dinhmun a ṭha lo hle niin Thawh-
ṭannia media report chuan an tarlang.

Iraq-a Nineveh-a Beaaj district-ah Baghdadi leh IS hruaitu dang pathumte chu chawchhun an einaah t˚ra hrai nia sawi a ni a, he thil thlen hnu hian IS firfiakte hian pawikhawihtu hriat≠chhuah tumin mi tam tak an man tawh a ni. Baghdadi leh midangte hi enkawl mek an ni a, mahse an enkawlna hmun erawh puanzar a ni lo. Firfiakte laka beihpui thlaknaah Baghdadi hi ṭum eng emaw zat a lo hliam tawh nia sawi a ni bawk.