Turkey-in thla 3 atan emergency pawtsei

Turkey chuan an rama emergency a puan chu thla thum chhung atan a pawtsei.

Deputy Prime Minister Numan Kurtulmus chuan emergency pawhsei a nih thu hi Thawhṭanni khan a puang a, National Security Council thurawn anga cabinet-in meeting an neihah thutlukna hi an siam ta niin a sawi.

Kar kalta Nilaini khan National Security Council chuan an ram sorkar paihthlak tum beih a nih hnua an ram dinhmunte thlirin meeting a nei a, sorkarin emergeny a lo puan tawh chu October thlaah a tawp dawn avangin pawhsei an rel a ni.

July thlaa sorkar paihthlak tuma beihnaa a mawhphurtu bera Turkey sorkarin a puh, US-a awm mek Muslim hotu Fethullah Gulen-a pawl nena inzawmna neia puh, police officer 12,800 suspend an ni tih nimin khan Turkey police thuchhuah chuan a tarlang. Sorkar beihnaa inhnamhnawihte dapchhuah hna hi thawh chhunzawm reng a ni a, sorkar hnathawk tam tak ban leh suspend an ni tawh a, mi 32,000 vel hren mek an la ni bawk.