NKorea tuilianin chenna in 30,000 tichhia

International Federation of Red Cross and Red Crescent Societies (IFRC) chuan North Korea rama tuilian tuartu chu mi nuai ruk an tling tawh a, tuilian hian chenna in 30,000 vel a tichhe tawh niin an sawi.

Thlasik khawvawt a thlen hmaa tuilian tuarte ṭanpui leh chhawmdawlna hna chak zawka kalpui a ngaih thu sawiin, ram hrang hrangte chu NKorea tuilian tuarte
ṭanpui tur hian an ngen.

NKorea hmarchhak lama tuilian tuarte ṭanpui hna hi IRFC leh North Korea Red Cross Society chuan an thawk mek a ni. NKorea ramah hian thlasik a na thei hle a, October thla tawp lam hian vur a sur
ṭan ṭhin a, thlasik vanglai chua khawvawt lam hi -30 celsus pawh a thleng thei dawn niin IFRC hotu Chris Staines chuan a sawi. IFRC hian thla 12 chhunga tuilian tuar mi 300,000 chuangte chhawmdawlna turin dollar matkaduai 15.6 mamawh a nih thu a lo sawi tawh bawk.

UN Office for the Coordination of Humanitarin Affairs chuan tulian vang hian mi 133 an thi tawh a, chin hriat lohin mi 395 an la awm mek niin a sawi.