Myanmar-in Emergency law a ṭhiat

Myanmar sorkar chuan independence an hmuh hnu, kum 1950-a Britain-in Emergency Provision act a lo siam sak chu a ṭhiat.

He dan hi sipai sorkar khan eptu lam awhbehna atan a hmang zui a ni. He dan hnuaiah hian sorkar phatsan zawnga che nia puh chu thubuai siam kher loin man theih a nih bakah, jail-a tantir leh tihhlum thlenga hremna pek theih an ni. Vantlang nunphung tibuai zawng emaw, thu dik tawk lo thehdarha puhte chu kum sarih thleng tantir theih an ni bawk.

National League for Democracy (NLD) in sorkar a chelh aṭang khan he dan sawi≠sel hlawh tak tihbo tum hian a bei chhunzawm nghal a ni.

Parliament bill committee chairman, Tun Tun Hein chuan he dan hi sipai sorkar khan an mahni sawisel leh dodaltute manna atan an hmang ṭhin tih a sawi a, mahse tunah chuan mipui thlan sorkar a din tawh avangin he dan hi ṭhiah a ni ta a ni, a ti. Hetih lai hian sipai lam chuan an sawisel a, national security atan he dan hi an ramin a la mamawh niin an sawi. Myanmar Parliament-ah hian sipaiten seat 25% an la nei a ni.