France-in Palestinian state pawm a tum

France president Emmanuel Macron chuan June thlaah France sorkar chuan Palestinian state chu a pawm dawn niin a sawi a, hemi chhan letna atan hian Middle East-a ram ṭhenkhat chuan Israel ram chu an pawm ve dawn a ni, a ti.

President Macron chuan hetianga a tihna chhan hi tu emaw tih lawm tumna ni loin, thil dik tak nia a ngaih vang tih France 5 television-in a kawmnaah a sawi. "Palestinian thlavang hauhtute pawhin Israel hi an pawm ve ka duh a ni. Tam tak chuan Israel ram hi an la pawm duh lo ni," tiin a sawi.

Ram 150 dawnin Palestine hi ram hran angin pawm mahse, khawthlang lam an tam zawk chuan an pawm lo a, an zingah hian US, Britian, France, Germany telin Japan pawhin a pawm lo bawk. Israel ram pawm lo zingah hian Middle East ram - Saudi Arabia, Iran, Iraq, Syria leh Yemen an tel ve bawk.