China-in khawvela lei sang ber tur dawh mek

China chuan khawvela lei sang ber tur, Huajiang Grand Canyon Bridge a dawh mek a, June thlaah hawn hman a tum.

Rs vbc 2,200 senga siam, Huajiang Grand Canyon Bridge hi feet 2050-a sang a ni dawn a, Eiffel Tower aiin meter 200 chuanga a san bakah a let thum chuanga rit, metric ton 22,000 vel a ni dawn bawk.

China politician, Zhang Shenglin chuan he lei dawh hian engineering lama China theihna sang tak a rawn pholang a, hei bakah Guizhou-in world-class tourist destination nih a tumna pawh a rawn pui dawn hle a ni, a ti. Tun hnaiah an lei dawh mek thlalak pawh hi an rawn pholang a, zawhfel a ni hnai tawh.

Lei an dawhna bial hi thingtlang lama chengte tana inkalpawhna ṭha leh awlsam siamna tura lei sang tak tak an lo dawh tawhna hmun a ni. Kum 2016 khan China a lei sang ber chu Beipanjiang-ah dawh a lo ni tawh a, feet 1,854-a sang a ni.