US President hna thawk turin Trump a hrisel ṭha tawk

US president Donald Trump chuan kumin January thlaa President atana lak luh a nih hnuah a hriselna dinhmun enfiahna, annual checkup hmasa ber a nei. A doctor-te chuan a hriselna leh taksa chak lamah pawh President hna thawk turin Trump chu a fit ṭha hle tih an sawi.

White House chuan Pathianni khan kum 78 mi, President Trump medical checkup record hi tarlangin, doctor chuan a rilru leh taksa lamah a ṭha tawk tih a sawi. A vunah niin a em nasat avanga pangngai lo deuh tlem leh, nikum July thlaa a campaign laia silaia kahna avanga a beng dinglama ser awmte chauh chu pangngai chiah lo awm an tarlan a ni. Nikum khan Trump hian colonoscopy tiin diverticulosis a nei tih hriat a ni a, kum thum hnah check up leh tura tih a ni. Trump hi damdawi chi lia enkawl mek niin, pahnih hi a cholesterol venna a ni a, a lung lam venna atan aspirin eiin, steroid skin cream a hmang bawk. Kum 2019-a a rih zawng, pound 243 chu report tharah hian tlahniamin, pound 224 (kg 101.6) a ni bawk.

Trump hi a hriselna dinhmun sawichiang duh loa puh a ni ṭhin a, hei vang hian a medical checkup report hi White House pawhin a tlangzarh nia ngaih a ni.