Iran leh US-in nuclear chungchangah inbiakna nei leh dawn

Iran leh US chuan nuclear chungchangah inbiak thawh khatna, Apri 12-a an neih hnuin a thawh hnihna hi April 19-ah an nei chhunzawm leh dawn.

Iran foreign ministry chuan inbiak thawh hnihan Oman palai kaltlanga neih ni dawn a, nuclear leh Iran hrekna tih tawp chungchangte an sawi ho ber tur a nih thu a tarlang.

Inbiakna thawh khatna hi Muscat-ah Iran foreign minister Abbas Araghch leh US Middle East envoy Steve Witkoff ten an nei a ni. Hei pawhin Oman palaina hnuaiah tho neih a ni. Inbiakna neih hma hian US president Donald Trump chuan Iran supreme leader Ayatollah Ai Khamenei hnenah lehkha thawnin, nuclear talk neih an duh lo a nih chuan sipai chakna hmanah a vau a ni.