China leh Vietnam-in inremna ziak

China leh Vietnam chuan Thawhṭanni khan thawh dunna tur inremna eng emaw zat an ziak. Inremna an ziah zingah hian supply chain production leh railway lama thawh dunna tur pawh a tel.

Inremna hi China president Xi Jinpin-a'n Vietnam a tlawh laiin an ziak a ni. Inremna an siam hrang hrang hi kimchanga puanzar a ni lo a, mahse an tarlan zingah trade leh defence ministry bakah chambers of commerce-in inremna an ziahte a tel.

China hi Vietnam in sumdawnna lama a thawhpui ram lian ber ani a, an rama thil siamchhuahna hmun hmanrua leh bungrua an mamawhte hi China ram aṭanga an chawk luh a ni tlangpui ṭhin.

Tun hnaia US president Donald Trump-a'n ram dang, US-a bungrua thawn luhah chhiah sang zawka lak a tumna chu ram hrang hrangte an sawisel nasa hle. China President Xi pawhin ram dang laka US inlulinna do letna kawnga China thawhpui turin European Union ramte a sawm a ni.US-in chhiah lakna thar a siamah hian, China aṭanga bungraw thawn luhah chhiah 145% zet lak a tum a, Vietnam lakah 46%lak a tum bawk. Mahse Vietnam hian chhiah lak dan tur chungchangah US hi inbiakna a neihpui mek a ni.