Malaysia PM hlui Abdullah Ahmad Badawi a thi

Malaysia prime minister hlui, Abdullah Ahmad Badawi chu an ram huna Thawhṭanni zan dar 7:10 kha kum 85 mi niin a thi.

'Pak Lah' leh uncle Lah tia an sawi ṭhin, Abdullah Ahmad Badawi hi Pathianni khan thawk lama harsatna a neih avangn Kuala Lumpur-a State Institute of Heart ah dah lut a ni a, cardiac specialist team ten theihtawp chhuaha an enkawl chung pawhin an chhan thei ta lo a ni tih hospital thuchhuah chuan a tarlang.

Kum 2024 April thla khan Abdullah hi pneumothorax vangin damdawi-inah dah luh a ni tawh a, kum 2022 dementia neiin a hriselna lam pawh a ṭha lo chho hle. Ṭawng a harsat bakah a chhungte pawh a hre mumal tawh lo a ni.

Abdullah hi Malaysia prime minister pangana niin, kum 2003 -2009 khan he dinhmun a chelh a ni.