Iraq-ah vut thli a tleh

Iraq ram laili leh chhim lamah vut thli na tak a tleh vangin mi tam takin thawk lamah harsatna an tawh phah niin health official-ten an sawi.

Muthanna province-ah harsatna tawk hi mi 700 vel an awm a, Najaf province hospital-ah mi 250 chuang damdawi-in panpui an ngai. Diwaniyah province-ah dam lo 322 awm bawkin, an zingah hian naupang eng emaw zat an tel. Dhi Qar leh Basra province-ah harsatna tawk in report hi 530an tling tawh bawk. Hmun tam takah power supply a khaihlak a, fight eng emaw zat tih khawtlai a ni bawk.

Iraq-ah hian vut thli hi a tleh fo a, mahse tun hnaiah a tleh ngun chho hle a, hei hi sik leh sa inthlak danglam nasat tak vang niin mithiamte chuan an sawi.

Pawn chhuak turte chuan face mask an hmang a,hmun hrang hrangah thawk laka harsatna tawkte lo pui turin medical mi leh sate an awm bawk a ni.