NSA contractor-in file ruchhuak

US National Security Agency contractor chu thuruk pawimawh ruchhuakah puhin man a ni.

Contractor Harold Thomas Martin III chu sorkar thil pawimawh ruchhuak leh, thuneitute phalna telloa material pawimawh tak tak tichhiaah puh a ni. Kum 51 mi, Martin hi thiam loh chantir a nih chuan kum 10 thleng lungin tantir theih a ni ang.

Hetih lai hian Martin-a ukil chuan Martin hian US a phatsan lo a, a hmangaih em em tih sawiin, an puhna finfiahna tur hi a awm lo niin a sawi.

Justice Department chuan Martin hi Bool Allen Hamilton tana thawk a ni tih a sawi a, Hamilton hi NSA thuruk tam tak lo ti put chhuaktu Edward Snowden-a chhawrtu kha a ni.

Martin-a kut aṭanga document an man zingah paruk chu top secret, US security thlenga nghawng thei nia sawi a ni. Man a nih hnuah a in, motor leh garage-te pawh endik vek a ni. FBI chuan Martin hian a tirah chuan document-te hi a lak loh thu a sawi a, mahse a hnuah a document ruk leh digital file-te chu a tihchhiat thu a sawi niin an tarlang.