Thlipui tleh vangin mi 26 thi

Thlipui, Hurricane Mathew-in Haiti, Cuba leh Dominican Republic a nuai a, ruah nasa takin a sur zui bawk. Thlipui tleh leh ruah≠sur nasa avanga chhiatna thlengah mi 26 an thi.

United Nations chuan hurricane Mathew hi kum 2010-a Haiti ramin lirnghing rapthlak tak a tawrh hnua chhiatna thlen nasa leh ber niin a sawi. US sor≠kar chuan chhiatna tawkte pui turin US sipai 300 vel chuan USS Mesa Verde hmangin Haiti ram hi an pan niin a sawi.

Hurricane Mathew hian Haiti rama Sud Deparment huamchhunga chenna in 80% vel a nuai chhia a, he bialah hian mi nuai sarih vel an cheng a ni. Jeremie khuaah chuan chenna in tam zawk a chhiat vangin, kawtthlerahte ei rawng an bawl a ni.

Cuba ramah pawh darkar khata km 230-a chaka thlipui tleh hian in leh thil dang tam tak a len chhia. Thlipui hian nimin khan US lam a pan avangin US chhimchhak lam tuipui kama cheng mi maktaduai 1.5 vel chu hmun him lama insawn tura tih an ni. Florida, Georgia leh South Carolina-ah mi eng emaw zat chu hmun him lamah sawnchhuah an ni. Hurricane Matthew hi US a thlen hian category 3 aṭangin 4 ah a kai tawh dawn nia sawi a ni a, ruah pawh nasa taka a sur rin a ni bawk.