Pakistan-in honour-killing khapna dan a pass

Pakistan national assembly chuan hun rei tak an buaipui tawh, zahawmna humhimna tur chhuanlama tualthatte zalenna pek an nih ṭhin khapna dan chu a pass ta.

National Assembly-a sawihonaah, kumtinin an ramah zahawmna humhimna tur chhuanlama hmangin mi tam tak tihhlum an ni ṭhin tih tarlan a ni a, hetiang thil thleng hi ven theih a ni, an ti. Human rights group leh politician-te chuan hmeichhiate chunga pawikhawihna thlen ṭhinte hremna dan khauh zawk siam tur hian an lo nawr reng tawh a ni.

Zahawmna humhimna tura tualthahna, honour killing an tihah hian a tuartu hi hmeichhia an ni tlangpui a, a tihlumtute pawh anmahni chhungkhat laina an ni ṭhin. Mahse tualthattute hi chhungkaw member dangten an ngaidam thei a nih chuan zalen takin an chhuak thei a ni.

Assembly chuan dan siamṭhat hi pass a nih tak thu an website-ah tarlangin, tualthattu chu an chhung≠ten ngaidam mah se judge-te chuan a chungthu an relsak tawh dawn a ni, a ti.