SKorea police-ten Yoon Suk Yeol office leh chenna in dap

South Korea police-te chuan ram President aṭanga ban, Yoon Su Yeol-a presidential office leh chenna in chu nimin khan an dap.

President hlui Yoon hian nikum December thla khan an ramah sipai thuneihna sang pekna, martial law puangin Parliamentah sipaite pawh a tir hman. He thupek hi darkar rei vak lo hnuah sut leh nghal mah se, Parliament-ah member-te a thupek tih chhuah avang hian President a nihna aṭanga ban a nih theihna atan a chungthu ngaihtuah an remti a ni. Constitutional Court-in a chungthu a ngaihtuah lai hian President aṭanga chawlh tir a ni a, court hian President aṭangin a ban zui ta bawk.

Parliament member-ten a chungthu ngaihtuah tura an rel hnuah Yoon hi January thla han Presidential Security Service te venhimna hnuaiah a inah a inkhung a, a guard-te chuan Yoon man tuma kal police officer leh investigator-te danna atan daidanna an lo siam a ni.

Police-te chuan presidential office aṭanghian CCTV footage lain, encryptd phone server an la. An thil tih hi court0in manna tur thupek a siam a zawm lo leh an lo dan chungchanga chhuina atana ti an nih thu an sawi.

Yoon hi Thawhṭanni khan tharum thawhna chawk chhuaka puhna thubuai siamsakah court-ah a inlan. April 21-ah a thubuai hi ngaihtuah chhunzawm a ni ang.