Bangladesh-in ngaihdam dil turin Pakistan a phut

Bangladesh leh Pakistan chuan kum 15 hnua a vawi khatna turin Ningani khan foreign secretary-level talk an nei a, Bangladesh chuan kum 1971 indona thlena Bangladesh chunga a chet danah Pakistan chu ngaihdam dil turin a phut.

Kum 1971-a Bangladesh ram din tura Pakistan aṭanga East Pakistan a inlak hran laia an thil neih inṭawm aṭanga Bangadesh lam chan tur, USD tld 4.3 chu pe turin Pakistan chu an phut bawk.

Bangladesh tlawha zin, Pakistan foreign secretary Amma Baloch leh Bangladesh foreign secretary Jashim Uddin te chuan Ningani khan meeting an nei a ni. April 27 leh 28 hian Pakistan deputy prime minister leh foreign minister Ishaq Dar chuan Bangladesh a tlawh dawn bawk a ni.

State guest house Padma-a meeting an neih hnuah, Baloch hian Bangladesh sorkar lailawka chief adviser Muhammad Yunnus leh foreign affairs adviser Touhid Hassain te chu a kawm ve leh bawk.