Khawmualpui 7-ah Covid-19 darh chhuak tawh

Covid-19 hripui leng mek chu khawvela khawmualpui pasarihah a darh chhuak tawh. Hun rei tak hripui laka khawmual him la awmchhun, 

Antarctica khawmualpuia sipai awm zingah coronavirus kai hi hmuh an nih ve leh tak avangin khawvela khawmualpui pasarihah hri hi a darh chhuak ta a ni. 

Chile thuneitute chuan Antarctica-a an military base pahniha an sipai awmte leh, navy lawng hmanga he khawmualpuia kal zingah hri kai hi hmuh an ni tih an puang a ni. 

December 21 khan Gen Bernardo O'Higgins Riquelme Antractica base-a awm zinga mi 36 chuan hri hi an kai tih hriat a ni a, an zinga 26 chu sipai niin, 10 chu civil mi, maintenance contract company-a thawk an ni. A tukah Chile navy lawng, Sergeant Aldea vessel-a chuang, 

Antartica-a awm zinga 21 chuan hri an kai tih hriat a ni leh bawk.