Israel-in ram pum lockdown puang

Israel chuan Covid-19 hripui leng vangin a ṭum thumna atan December 27 aṭanga hman ṭan turin ram pum huapin lockdown a puang leh. 

Lockdown hi kar hnih chhung atan puan a ni a, boruak awmdan azirin a ṭul a nih chuan kar hnih dang pawhsei a ni ang. 

Inkharkhipna puan hnuaiah hian Israel mite chu an in aṭanga km 1 aia hlaa an kal chhuah khap an ni a, sumdawnna hmunte pawh semchhuah tur chi tih loh chu kalpui khap a ni bawk. Hemi rual hian vaccine la tur leh school kal turte erawh ngaihhnathiam an ni ang. 

Israel chuan tunkar tir lam aṭang khan coronavirus hri dang hmuhna - Britain, Denmark leh South Africa ram aṭanga luh a lo khap tawh bawk a, ram dang aṭanga lutte chu ni 14 chhung inkhung hran tir zel an ni bawk.