New Jersey ram kang vangin mi tam tak sawn chhuak

US-a New Jersey state-ah Thawhlehni khan ram kang nasa tak a thlen vangin kangmei chhuahna bul hnaia cheng mi 3,000 chuang sawn chhuah an ni tawh.

Ram kang, Jonas Road Wildfire hi Pine Barrens, US East Coast-a protected land area zau ber zinga pakhat aṭanga chhuak a ni a, a kangkai chak hle. Darkar hnih chhungin ram acre 8,500 vela zau a kang hman a ni.

Kangmei chhuak vang hian mi 25,000 velin power supply an nei lo a, hei state kaltlanga kawngpui pawimawh, Garden State Parkway hmun ṭhenkhat pawh khar a ni bawk.

New Jersey Fire Service chuan ram kang hi 10% vel chu an ṭhelh mit tawh niin an sawi. Kang ṭhelh tur hian kangṭhelhtu leh kangṭhelh motor bakah bulldozer,helicopter leh fixed-wing aircsaft-te hma an ni tih sawiin, chhanchhuah hna thawktute pawh eng emaw zat tirh an ni tawh bawk. Kangmei chhuah chhan hi chhui mek a nih thu an tarlang.