China-in space station-ah astronaut 3 kap chhuak

China chuan Tiangong space station-a astronaut awm mekte thlak turin Nilaini khan Shenzou 20 spaceship hmangin astronaut pathum a kap chhuak.

Shenzou 20 spaceship hi an ram huna Nilaini tlai ar 5:17 khan Jiuquan-a launch centre aṭangin an kap chhuak a, darker 6.5 hnuah Tiangong hi a thleng. Astronaut-te hi commander Chen Dong, fighter pilot Chen Zhongrui leh engineer Wang Jie te an ni.

Tiangong, 'Heavenly Palace' tih bawk hi International Space Station-a China telh a nih loh hnuah China-in amaha a siam a ni. China space program hi rorellai, Communist Party-a military branch, People's Liberation Army in a enkawl a ni.

China hian kum 2003-a van thenrenga mihring a kah kai khan khawvela hetiang ti thei ram pathumna niin, hemi hnu hian space program lamah pawh hma a sawn hak hle. Space ageny hian Mars-ah explorer leh Thla ah rover a lo kap chhuak tawh bawk a, kum 2030 hma ngeiin Thlaah mihring kah kai theih ngei an tum.

Astronaut pathumten an thlak tur, Tiangong space centre-a awm mekte hi thla ruk an awm tawh a ni. April 29 hian khawvelah rawn kir tura tih an ni. Tiangong-ah hian a rualin mi paruk an awm thei a ni. Astranaut tirh tharte hian medical science leh technology tharte an echhin dawn a, hmanraw tharte pawh an dah dawn bawk niin Manned Space Agency chuan a tarlang.