UK-a covid aiin inkai a awlsam lo zawk : SAfrica minister

South Africa health minister Zwelini Mkhize chuan Britain health secretary-in Africa rama Covid-19 chi dang hmuh chhuah, '501.V2' chu Britain-a coronavirus chi dang leng mek, 'VUI-202012/01' aiin inkaichhawn a awlsam zawk tia a sawi chu thu dik lo a nih thu a sawi.

Zwelini Mkhize chuan an rama Covid-19 hri chi dang, 501.V2 leng mek chu UK-a hri leng aiin a chak zawk tih finfiahna a awm lo tih a sawi a ni. 

Britain health secretary Matt Hancock chuan SAfrica rama hri thar hmuh chu an rama hri hmuh chhuah aiin inkaidarh a awlsam zawk tih a sawi a, hemi avang hian South Africa ram aṭanga Britain-a zin luh pawh Nilaini aṭang khan khap a lo ni tawh bawk.

VUI-202012/01 hi Covid-19 chi dang chi niin, UK-ah October thla aṭang khan hmuhchhuah a ni a, December thla atangin he hri inkaidarh hi an rawn pungchho a ni. 501.V2 hi Covid-19 chi dang  tho a ni a, December 18 khan South Africa ramah hmuhchhuah a ni thung.