Palestinian President-in a thachhang dawltu tur ruat

Palestinian Authority president Mahmoud Abbas chuan Inrinni khan a thachhang dawltu tur, vice president atan Palestine Liberation Organisation (PLO) executive member Hussein al-Sheikh a ruat.

Mahmoud Abbas hi kum 89 mi a ni tawh a, hei vang hian Hussein al-Sheik hi Abbas thlak chho thei tura ngaih a ni. Hetih lai Abbas kaihhruai Fatah hian West Bank lam chauh an thunun a, Hamas in Gaza Strip lam an thunun thung.

PLO hi ram dangten Palestinian mipui aiawhtua an pawm a ni a, khawthlang ramte pawhin Palestinian Authority hi an thlawp a ni. Abbas hian heng pawl pahnih hi kum 20 chuang a lo kaihruai tawh a ni.

Kum 64 mi, al-Sheikh hi veteran politician niin, PLO-ah chanvo pawimawh tak tak lo chelh tawh ṭhin ni. PLO executive committee member-ah hian kum thum a ṭang tawh bawk. Israel jail-ah kum 11 a lo tang tawh a, Palestinian security force veteran a ni. Abbas-a thawhpui hnai tak niin, Palestinian mite bakah VIP te tana zin phalna buaipui ṭhintu a ni. Hetih hian mipui nawlpuiah chuan hriat a la hlawh lutuk lo.