Pakistan NSA thar atan Muhammad Asim Malik ruat

Pakistan sorkar chuan India nen an inkar boruak ṭhat loh chho hnuah, hun rei tak National Security Adviser (NSA) post ruak tawh chu a hnawhkhat a, NSA thar atan spy chief Lt. Gen Muhammad Asim Malik a ruat.

General Malik hi kum 2024 October thla khan Inter-Services Intelligence (ISI) director general-ah ruat a ni. Hemi hma hian Rawalpindi-a general headquarters-ah Adjutant General niin, National Defence University-a chief instructor leh, Command and Staff College-ah instructor a lo ni tawh bawk. Chawimawina, Sword of Honour a dawng tawh bawk a ni.

Cabinet Division chuan thuchhuah siamin, General Malik chu NSA thar hian a hna hi a chelh nghal dawn tih a sawi. Pakistan NSA 10-na a ni a, mahse ISI hotu ni lai ruat a nih ṭum khatna leh, mi pakhatin hetiang chanvo pawimawh tak pahnih a chelh vawi khatna tur a ni bawk.

Kum 2022 April thlaa prime minister hlui, Imran Khan kaihhruai Pakistan Tehreek-i-Insaf sorkar paihthlak a nih hnu aṭang khan NSA post hi a ruat a, hun rei tak hnawh khah loin a awm a ni.